Norgga Gonagasa mága fitnodat, Aracruz Celulose, dohkkeha Brasila justisministara mearrádusa ahte fitnodat ferte addit 11 000 hektara sturrosaš eatnama indiánaide.
- Dat mii dál lea dehálaš miidjiide lea ahte indianat eai šat gáibit eambbo eatnamiid, lohká fitnodaga vuođđudeaddji Lorentzen.
- Unnánaš gáibidahttá
- Go unnánačča vuos ožžot, de gáibidit eanet.
Das mii ballat ge dás duohko jus ii daddjoš dál čielgasit ahte guovlu ii leat gullan sidjiide, lohká Lorentzen.
- Riidalan 40 jagi
Guđalohtlogus ásahii son celulose fabrihka, Esperito Santo gulvui Brasialas.
Dan rájes lea fitnodat ja guovllu eamiálbmogat riidalan eatnamiid alde, go indiánat oaivvildit sii leat biddjon eret iežaset guovllus čahkken dihte saji celulose fabrihkkái ja plantašaide.
Aracruz lea gis čuoččuhan ahte guovllus eai lean indiánat go sii bohte dohko, ja sii leat oastán eatnamiid lobalaš vuogi mielde.
Indiánat ieža oamasteaddjit
Distaga mearridii Brasila justisministár ahte dát guovlu gullá indiánaide, ja nu ferte fitnodat addit oktibuot 11 000 hektara indiánaide.
Justisministár mearridan
Lorentzen mielas lea dehálaš maid ministár lea cealkan, namalassii ahte fitnodagas dat lei oamastanvuoigatvuohta eatnamiidda.
- Dasa lassin lohká maid ministár ahte mii leat oastán daid lobalaš vuogi mielde, muhto fertet dál addit eatnamiid indiánaide vai dat riidu lohaphauvvošii, lohká Lorentzen.
- Eai oaččo eambbo
Aracruz Celulose direktevra Carlos Roxo lohká ahte sii dál áigot gáibidit dáhkádusa indianain mas lohpidit ahte eai šat gáibit eambbo eatnamiid fitnodagas.
Direktevra jáhká olahit dákkár soahpamuša, muhto lohká maid ieažet diggái mannat, jus nu ii geavaš.
