NRK Meny
Normal

- Eambbo nissoniid mielde

Gielda- ja ođasmahttindepartemeanttas leat barggut leamaš jođus mainna oččodit eambbo nissonolbmuid mielde báikkálaš politihkkii.

Jardar Jensen

Stáhtačálli Jardar Jensen imašta jos nissonolbmot eai beasa mielde báikkálaš politihkkemis.

Foto: Stein Aase / NRK

Divttasvuotna lea okta daid sámi gielddain gosa leat fállan veahkki lasihit nissonolbmuid suohkanstivrii.

Dan 10 sámegielddas leat dál 70 nissonolbmo 178 gielddastivrra áirasis, ja Divttasvuonas dušše guokte nissona 17 áirasis. Seammás lea dál čakčat 18 evttohaslisttus nissonolmmoš njunuš, dan 62 evttohaslisttus sámegielddain.

NRK Sápmi lea sámi giellahálddašanguovllus iskan čavčča gielddaválggaid evttohaslisttuid, ja maid mo muhtin listtuin ráhkkanit válgagižžui. Dáid gielddain ásset badjelaš 21.200 olbmo.

Gielddain mearridit

Gielda- ja ođasmahttindepartemeantta stáhtačálli Jardar Jensen lohká imaš jos nissonolbmot eai leat mielde báikkálaš politihkkemis.

Mon sávan ahte departemeantta nákce fuomášuhttit maid ferte dáhkat vuoi nissonolbmuid fidnejit mielde, muhto lea ollásit bellodagaid ja nominašuvdnalávdegottiid hálddus mearridit evttohasaid listtuide, lohká Jardar Jensen NRK Sápmái.