Hopp til innhold

- Eahpideaddjit liiggástallet

Deanu giellagátti jođiheaddji Sverre Porsanger doarju Deanu sátnejođiheaddji Frank Martin Ingilæ.

Sverre Porsanger

Deanu giellagátti jođiheaddji Sverre Porsanger.

Foto: NRK

Maiddái Deanu giellagátti jođiheaddji Sverre Porsanger
jáhkká leat ávkin buohkaide jus Deanu sámeskuvlla báldii huksejuvvo dárogielat skuvla.

– Sámegiela oahppit sáhttet mannat dárogiel tiimmaide guovddáš skuvlii ja sii ges geain lea sámegiella nubbingiella sáhttet ges mannat sámeskuvlii sámegiel tiimmaide, ja dien láhkai johttit daid oahpahusaid mielde, ja dien láhkai de ovttasbargat, dadjá Porsanger.

Sverre Porsanger jođiha Deanu giellagátti man ulbmil lea seailluhit ja nannet sámegiela.

Ovttaoaivilis sátnejođiheaddjin

Son lea ovttaoaivilis Deanu sátnejođiheaddjin ahte sámeskuvlla váhnemat ja rektor liiggástallet go ballet sámegiela jávkamis skuvlašiljus jus Deanu sámeskuvlla báldii huksejuvvo dárogielat skuvla.

Ballet dárogiela vuoitit

Mánáid iežaset mielas lea suddu go boahtá dárogiel skuvla menddo lahka sámeskuvlla, go ballet ahte mánát álget de dárustit, ja ahte šillju giella boahtá šaddat dárogiella.

Sis lea maid ballu ahte eanet olbmot álget dan dárogiel skuvlii, dan ektui mot dál lea. Dál álget eatnašat sámeskuvlii.

Guldal olles ášši:

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.