NRK Meny
Normal

- Demonstrášuvdna ruvkki ja ohcama vuostá

Logenáre olbmo vigge luđiin baldalit ruvkedoaimmaid ásaheamis Kárášjohkii.  Gieldda sátnejođiheaddji Kjell Sæther gal lohká saji ruvkedoibmii maid.

Profilerte personer i Karasjok demonstrerte
Foto: Anne Berit Anti / NRK

Boazodoalli Biret Márgget Somby gal ballá stuimmiid čuožžilit jus fal ruvkefitnodagat beasašedje ohcagoahtit minerálaid Kárášjogas.

 - Mii han dárbbašat dálveguohton eatnamiid, ja eai livčče gal jullon eai muhtemiidda ge maid dál báibmet.

Dán gal geahččalit boazoealáhusa olbmot gaccaid bániid hehttet, lohká Somby.

GULDAL: Demonstrašuvdna ruvkečoahkkimis

- Eat dohkket sisabahkkemiid

- Dás han lea min sámiid eatnamiid birra sáhka ja mii eat dohkket sisabahkkemiid.

Dat han áitet daid roggagoahtit ja danin mii leat dás ahte čájehit vuostehagu, lohká demonstrašuvnna oassálasti Máret Sára gii maid ovddasta Kárášjoga johttisámelistta.

- Sátnejođiheaddji bovden čoahkkimii

Kárášjoga gieldda sátnejođiheaddji Kjell Sæther dat lei bovden

Kjell Harald Sæther
Foto: Eilif Aslaksen / NRK

álbmotčoahkkimii mii dollui ikte eahkedis Kárášjoga kulturviesus.

Su mielas gal galgá leat sadji sihke boazodollui ja ruvkedoibmii Kárášjoga gielddas.

GULDAL: Sadji maiddái gollái

Leat ohcagoahtán jo

Store norske gull lea ohcagoahtán minerálaid Kárášjogas, ja leige boahtán albmotčoahkkimii čilget iežas barggu birra.

Store Norske Gull beaivválaš jođiheaddji, Jørgen stenvold, muitalii ahte sii dál leat álgodásis dán barggus, ja leat ohcame sihke golli, nikkela ja platina.

Birgehallá buolaš máilmmis

Store Norske jođiha dál ruvkedoaimmaid Svalbarddas.

Stenvold lohká ahte sii doppe fertejit váldit vára dan rašis luonddus, ja nu áigot maiddái dahkat dáppe jus álget ruvkedoaimmaiguin.