Vaikko ráđđehusšiehtadusas gal lea cealkán ahte sii dáhttot doalahit dán ortnega vai Sámediggi árrat beasašii rávvet eisseválddiid das mii sámiide livčče dehálaš sierranas áššiin.
– Váidalit duššiid
Ovddádusbellodat áirras ja Stuorradikki gielddalávddegotti njunuš Helge André Njåstad oaivvilda opposišuvnna bellodagaid duššiid váidaleamen, go Ovddádusbellodat doahttala dan mii ráđđehus šiehtadusas čuožžu.
– Vaikko sii stuorradikkis eai searvva olgešbellodagain buot mearkkašumiide lávdegotti dokumeantas de ii rievdda ráđđehusa sámepolitihkka, lohká Njåstad.
Bargiidbellodaga áirras Stein Erik Lauvås oaivvilda ahte ovddádusbellodat berrešii čielgasit dál dieđihit ahte sii hilgot iežaset sámepolitihka
Foto: Kathrine Brønn / NRK
– Berrešii čielgasit dieđihit ahte hilgot
Bargiidbellodaga áirras Stein Erik Lauvås gal oaivvilda ahte ovddádusbellodat berrešii čielgasit dál dieđihit ahte sii hilgot iežaset sámepolitihka dan botta go olgešbellodagain leat ráđđehusas,
ammes gártat nu mot dál ahte olmmoš sáhttá eahpidišgoahtit dáhttu go bellodat dattege heaittihit konsultašuvnna ortnega go eai vuollán searvat stuorradikki lávdegotti eanetlohkui ja cealkit ahte ortnet galgá bisuhuvvot ja nannejuvvot.
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.
