Luondduháldašan Direktoráhta dat lea árvalan ahte Finnmárku gielddain ii šat galgga vuoigatvuohta gieđahallat áššiid mat gusket luonddu mohtorjohtolahkii.
Direktoráhta maid hálidivčče sirdit dan válddi Finnmárkku Fylkkamánnii.
Muhto Finnmárku Fylkamánni ii hálit dan válddi ja lea maid vuostá dálá johtolaga gáržžideami.
- Ráđđehus ii duostta
- Mun gal doaivvun ahte ráđđehus dál ii šat duostta rievdadit otná lága nu ahte dat šaddá fuonibun sáspmelaš geavaheaddjiide ja finnmárkkulaččaide.
Finnmárkku Fylkkamánni lea doallan sierra čielggadan čoahkkima dinguin Deanus, gos lea viggan čilget mo dii rihkkubehtet dan lága. Maid don dasa dajat go Fylkkamánni datte ge ii hálit rievdadit maidege din ektui?
- Mun geahčan dan vuoitun ja dulkun dan ahte Fylkkamánni dál ovttaláhkai manná ruovttoluotta dan vuogádahkii mii praksis lei ovdal, lohká Hansen.
Manne Fylkkamánni ii čuovvul Luondduhálddašan Direktorahta árvalusa?
- Gielddain ferte leat dispensášuvdna váldi go sii leat lagamusat ja sidjiide šattašii álkimus gieđahallat dákkár ohcamušaid. Ášši šattašii váddásabbun jus dan galggašii loktet fylkka dássái, earret eará go doppe eai dovdda nu bures daid báikkálaš geografalaš guovllui.
Mii árvaleat ahte galggašii doalahit daid geasse- ja dálvemohtorjohtalan vejolašvuođaid mat otne leat merkejuvvon Finnmárkkus dan atnui.
Bisuhit otna traseaid
Muhto mii leat maid dadjan ahte dál leat doarvái vuodjinvejolašvuođat luonddus ja dalle eat hálidivčče rahpat šat eambbo, lohká Fylkkamánni birasgáhttenossodaga jođiheaddji Trond Aarseth