NRK Meny
Normal

- Buoret fálaldat sámiide

Jus Áltái ásahuvašii buohcciviessu, de jáhkká NSR parlamentáralaš jođiheaddji ahte sápmelaččaid dearvvašvuođafálaldat buorránivččii.

Samisk pasient hos lege (illustrasjonsbilde)

Sápmelaš doakrára luhtte. (čájáhusgovva)

Foto: Sametinget

– Áltá lea dan mađe stuorra gávpot Finnmárkkus. Dán guovllus orrot dan mađe olu olbmot ahte dohko livčče áigi ásahit buohcciviesu, lohká Aili Keskitalo.

Aili Keskitalo

Aili Keskitalo

Foto: Nils Henrik Måsø / NRK

Son rámida Álttá suohkanpolitihkkáriid go vigget oažžut buohcciviesu Áltái. Keskitalo jáhkká dat buoredivčče sámegielhálliid dearvvašvuođafálaldaga.

– Mun jáhkkan ahte Áltái livččii álkit ásahit buoret sámi ja sámegiel fálaldaga go Hámmárfestii dál lea.

GULDAL: DOARJU OÐÐA BUOHCCIVIESU ÁLTÁI

Sámediggi ii searvva

Finnmárkkus lea buohcciviessodigaštallan bahkka ášši, muhto Sámediggi ii leat searvan dása. Keskitalo imašta dán.

Laila Susanne Vars

Laila Susanne Vars

Foto: Sigve Nedredal / NRK

– Sámediggeráđis eat háliit searvat digaštallamii mas dušše lea sáhka gosa ođđa buohcciviessu galgá huksejuvvot. Midjiide lea fálaldat dat deháleamos, ahte suohkaniin ja buohcciviesuin buoredivčče fálaldaga sámiide, lohká Sámedikki várrepresideantta Laila Susanne Vars.

Norgga Sámiid Riikasearvvi ii leat gieđahallan ášši ja danin hállá Keskitalo dego Guovdageainnu politihkkár áššis.