NRK Meny
Normal

- Čuohcá garrasit ealáhusaide davvi-norggas

Bargiidbellodaga stuoradiggejoavku áigu geahčadit leago vejolaš bisuhit dálá bargoaddidivat ortnega.

Helga Pedersen
Foto: Nils Henrik Måsø / NRK

Ođđa ráđđehus lea dieđihan ahte geasi rájes heaittihit dálá bargoaddidivat ortnega, mii mearkkaša ahte muhtun ealáhusaide Finnmárkkus ja Davvi-Romssas bidjo bargoaddidivat.

Bargiidbellodaga stuoradiggejoavku lea gohččon ealáhusaid maidda dát čuohcá čoahkkimii odne gos geahčadit vejolašvuođaid bisuhit dálá ortnega.

– Ballá ahte dát čuohcá garrasit davvi-norgii

Helga Pedersen

Helga Pedersen ballá ahte dát čuohcá garrasit ealáhusaide davvi-norggas.

Foto: Aas, Erlend / SCANPIX

Bellodaga nubbinjođiheaddji, Helga Pedersen ballá ahte dát čuohcá garrasit fievrredan- finánsa ja energiijaealáhusaide davvin.

Árat dán mánu sáddii Norgga ráđđehus iežaset árvalusa earuhuvvon bargoaddidivat ortnegii ESA:i ja EO:ii. Dát sáhttá dagahit ahte dát ortnet oalát heaittihuvvo ja dát boahtá váikkuhit garrasit dehálaš ealáhusaid miehtá norgga.

– Ballá šaddát váddásat ásahit bargosajiid

Norgga gávpeorganisašuvnnat leat árát dán mánu cealkán ahte dát boahtá buktit stuora váikkuhusaid Davvi-Romsii ja Finnmárkui go sis ii leat bargoaddidivat guoskevaš ealáhusain dál.

Bargiidbellodaga nubbinjođiheaddji, Helga Pedersen ballá ahte šaddá váddásat ásahit ođđa bargosajiid davvin.

Geahččalan jo ovdal čoavdit ášši

Dán ášši geahčaledje juo čoavdit dalle go Bargiidbellodat lei ráđđehusas, muhto Helga Pedersen čilge ahte leat bargan dáinna EO-kommišuvnnain, muhto ii boahtán čielgá diehtu mo dát galggai čovdot.

Danne lea dál fas ođđasit fievrreduvvon EO:ii, dadjá Pedersen.