NRK Meny
Normal

- Boahtá menddo maŋŋit

- Sámi beaivválaš áviisa ásahuvvo dál 15 jagi menddo maŋŋit, lohká ovddeš sámedikkeáirras John Henrik Eira.

John Henrik Eira
Foto: Thoralf Balto / NRK

Eira ii jáhke ođđa sámegiel beaiveáviissa lihkostuvvat, go ásahit dan 15 jagi menddo maŋŋit.

Son lei ieš árvalan dalle ásahit davviriikalaš sámegiel áviissa, muhto dan evttohusa ii čuovvolan oktage.

GULDAL: Menddo maŋŋit

Min Áigi ja Áššu ovttastahtto

Mannan vahkus almmuhedje Min Áiggi ja Ášu áviissaid stivrrat ahte áigot ovttastahttit áviissaid ja ásahit ovtta sámegiel beaiveáviissa, boahttejagi rájes jo.

- Eai tingo šat áviissaid

- Dalle 15 jagi áigi ii lean dáhtamáilbmi nu čálbmáičuohcci váikkuheaddji servodagas go dál.  Otne lea nu ahte eanaš nuorat leat guođđán bábiráviissaid, ja eai dušše nuorat muhto vuorrasat olbmot maid leat guođđán áviisalohkama.

Mun ieš lean maid heaitán goappašiid dán guokte áviissa doallamis, lohká Eira. 

- Dál lea rivttes áigi

Min Áiggi stivrrajođiheaddji Magne Svineng, ii ádde Eirrá moaitagiid, ja lohká áviissaid dál gávnnahan rivttes áigin ovttastahttit doaimmaid.

Son maid jáhkká stuorra vejolašvuođa lasihit lohkkiid logu, go suomabeale Sámis ja erenoamážit Tromssas leat vejolašvuođat.