Boahtte jagi sáddejuvvo Sámi Grand Prix (SGP) njuolgga NRK stuorimus TV-kanálas.
Dát galgáge šaddat stuorimus SGP-šovvan, mii goassege leaš lágiduvvon.
Dál ohcet oassálastiid gilvui.
Háliidat go don searvat?
Boahtte jagi sáddejuvvo Sámi Grand Prix (SGP) njuolgga NRK stuorimus TV-kanálas.
Dát galgáge šaddat stuorimus SGP-šovvan, mii goassege leaš lágiduvvon.
Dál ohcet oassálastiid gilvui.
Lea vuohččan go Sámi musihkkafestivála lágida SGP fárrolaga NRK:in.
- Dat mearkkaša ahte šaddá hui stuora ja buorre šovva go NRK lea fárus, lohká Sámi musihkkafestivála buvttadeaddji Elle Mari Dunfjell Oskal.
«Jáhkán maid ahte dát addá stuora vejolašvuođaid sámi artisttaide go ná máilmmi stuora álbmot beassá geahččat sin.»
NRK mediahoavda Arne Helsingen oaivvilda sámi musihkkáriin ja komponisttain lea dehálaš sadji Norgga musihkkamáilmmis.
- Jáhkán SGP šaddat guoimmuhanprográmman masa bearrašat miehtá Norgga liikojit, lohká Helsingen.
«Maŋemus áiggiid leat eanet ahte eanet olbmot fuomášan ja fátmmastan sámi artisttaid. »
NRK Sámi prográmmaredaktevra Carl-Gøran Larsson lea movttet go NRK Sápmi ja Sámi musihkkafestivála leat ovttasbargagoahtán ja Larssonis lea čielga mihttu dáinna ovttasbargguin.
«Sámi beassážat leat dehálaččat. Dál mii háliidat loktet dán dovddu ja doaluid vai olles Sápmi ja olles Norga sáhttá váldit oasi min fiinna árbevierus.»
Háliidat go don searvat Sámi Grand Prixii 2022?
Dieđihanáigemearri lea skábmamánu 30. beaivvi.
Dáppe gávnnat eanet dieđuid. Les denne saken på norsk.