– Me har konkrete namn på blokka, men ikkje mange. Me legg lista høgt, derfor er det ikkje mange aktuelle kandidatar, seier styreleiar i Viking FK, Christian Rugland, til NRK.
Laurdag kom nyheita om at etter 2,5 år i jobben. Bakgrunnen er svake sportslege resultat.
Les også:
Les også:
Kjell Jonevret til Stavanger?
I Stavanger har spekulasjonane alt starta om kven som tar over jobben. Eitt av dei heitaste namna er Kjell Jonevret.
Den tidlegare Viking-spelaren og eks Molde-trenaren er for tida utan trenarjobb, og har tidlegare sagt at han kan ta over ein ny klubb når som helst.
Men Viking-leiinga held korta tett til brystet og vil førebels ikkje røpa kven som er aktuelle.
– Eg kommenterer ikkje namn. Det sportslege utvalet vårt tek nå til arbeidet med å kartlegga aktuelle trenarar. Me ser etter ein topptrenar i heile Norden, seier Rugland.
(Artikkelen held fram under videoen.)
Åge Hareide ferdig i Viking. Reportasje frå Sportsrevyen laurdag.
Usikker framtid for managerrolla
Managerrolla Viking har hatt den siste tida går også ei uviss framtid i møte. Kva som skjer med organiseringa i klubben kjem heilt an på kven som blir ny trenar i Stavanger.
– Managerrolla kjem me til å drøfta med den nye trenaren. Kva som blir utfallet skal me i leiinga bestemma i samråd med den nytilsette, seier Rugland.
Det sportslege utvalet som skal arbeida med å henta ein ny trenar til Viking blir leia av Rugland. I utvalet får han med seg to personar frå Viking ASA og to frå Viking FK.
I tillegg blir Arne Larsen Økland og Kjell Inge Olsen med. Dei har sitt første møte måndag eller tysdag. Målet er å ha på plass ein ny manager/trenar innan 30. juni.
Kven meiner du bør bli ny manager/trenar i Viking?
