Venstre er sett på sidelinja i oljedebatten

– Nå kan Arbeidarpartiet, Høgre, Framstegspartiet og delvis Senterpartiet, dure i veg. Dette vedtaket er ein siger for oljeindustrien, seier Per A. Thorbjønsen frå Stavanger.

Thorbjørnsen legg ikkje skjul på at han var oppgitt og skuffa, etter at eit fleirtal på Venstre sitt landsmøte i Ålesund vedtok at partiet skulle seie nei til 24. konsesjonsrunde.

Rett nok sa vedtaket ja til å opne nye leitelisensar for olje og gass, men altså nei til det regjeringa har gjort, nemleg å lyse ut konsesjon på oljeleiting i 102 blokker i Norskehavet og Barentshavet med høyringsfrist til 2. mai.

• Les også: Søviknes om Venstre: – Setter velferd i fare

– Fleirtalet forstod ikkje kva dei gjekk inn for, seier Thorbjørnsen.

Med det meiner han at dersom partiet i framtida er med på å tildele ei einaste leiteblokk, for eksempel som resultat av politiske forhandlingar, så har Venstre gjort eit løftebrot.

– Det er denne situasjonen landsmøtet har sett partiet i, seier Thorbjørnsen.

• Les også: Venstre sier nei til regjeringens oljeplan

Grøne gratulasjonar

Det var jubel i salen då vedtaket blei klårt, og den kom spesielt frå dei yngre landsmøtedeltakarane i Venstre.

Også frå konkurrenten Miljøpartiet dei Grøne, (MDG), kom det lovord.

– Dette er ein siger for miljøgrasrota i Venstre og eit framsteg for Venstre som klimaparti, seier Rasmus Hansson, talsmann for MDG

Kompromisset blei vedtatt

Avstemminga gjekk over to omgangar. Det første forslaget, om å seie nei til all framtidig oljeleiting, blei stemt ned med 109 mot 108 stemmer.

Kompromisset var i det minste litt betre, meiner Thorbjørnsen.

• Les også: Regjeringen utlyser rekordmange blokker i Barentshavet: – Nå må vi kjøre på litt

– Nå er det ennå opning for leiting, og ordninga med å vidareutvikle gamle oljefelt, går jo vidare, seier han.