Varaordføraren i Sandnes meiner at fylket vil hindre framtidig bustadbygging på Dale. Rogaland fylkeskommune avviser at dei har planar om å stanse utbygginga.
Regionalplanavdelinga skeptisk
Innsida av hovudhuset på Dale i Sandnes, lokkar neppe mange kjøparar til å opne lommeboka på vidt gap. Lokala er svært slitne.
Og i tillegg til det: Nå har innspel frå plankontoret i fylkeskommunen om kor det er best å byggje bustader i framtida på Jæren, fått ein del Sandnespolitikarar til å lure på om det blir gitt løyve til utbygging på Dale i det heile tatt.
Varaordførar i Sandnes, Morten Borgli meiner fylket stikk kjeppar i hjula for utvikling av Dale-eigedomen.
Foto: Kaj Hjertenes / NRK– Eg har visst at regionalplanavdelinga har vore veldig skeptiske. Det er klart det er ikkje kjekt å sjå at motstanden blir så kraftig, men me må berre finna våre argument og innspel til dette, seier varaordførar Morten Borgli.
- LES OGSÅ: Alt gikk gale på Dale
- LES OGSÅ: 73 millioner kroner skuslet bort på Dale
Ingen konklusjonar
Politiet sin beredskapstropp har øvd lenge i bygningane på Dale og gjort sitt beste for å øydeleggje det som er på innsida.
Men regionalplansjefen i Rogaland fylkeskommune Christine Haver, nektar for at dei prøver å hindre at det skal skje bustadbygging på Dale i framtida.
– Dette tenker eg er litt søkt. Me har ikkje omtalt Dale, me har ikkje snakka om nokon konklusjonar basert på dette, seier Haver.
– Er då denne frykta frå nokre av politikarane i Sandnes heilt ugrunna?
Ifølge regionalplansjefen i Rogaland fylkeskommune Kristina Haver er bestemt.
Foto: Kaj Hjertenes / NRK– Eg veit ikkje om eg kan uttala meg meir om dette. Nå har me levert eit kunnskapsgrunnlag, og så er det opp til politikarane å avgjerda kva konklusjonar som skal trekkast av det kunnskapsgrunnlaget.
Planar om ein liten by
Aktuelle kjøparar ser nok med større glede på dei nyrestaurerte små bustadhusa lengre inne i dalen, når dei skal rekne ut kor mykje dei kan betale for eigedommen.
Men det viktigaste for prisen er om Dale ein gong i framtida kan byggjast ut til ein liten by, slik planen tidlegare har vore.
Varaordføraren i Sandnes er usikker på kva som ligg i planane til Rogaland fylkeskommune, som også er seljar av Dale-eigedommen.
– Det hadde vore kjekt å sjå at fylket faktisk snakka opp sin eigen eigedom på anna vis. Det hadde eg sett stor pris på, seier Borgli.
