Det var god stemning i studio då dei to ordførarane møttest til venleg duell i førjulstida. I dag var det ikkje politikk som stod på programmet, men julegåveinnpakking.
– Eg trur ikkje det er dette eg er best på, men eg skal i alle fall forsøka å gjera det litt elegant, sa stavangerordførar Christine Sagen Helgø.
– Eg plar å få beskjed frå kona når eg skal handla julegåver om kva for butikk eg skal gå i, og då er det ferdig innpakka, smilte Wirak.
Han påstod at heller ikkje han var ein driven innpakkar, men etter kvart synte han imponerande ferdigheiter med papir og saks.
Sagen Helgø gjekk for eit stilreint og minimalistisk uttrykk, medan Wirak imponerte med brettinga men bomma litt på pynten. Det gjorde at overdommar Skjæveland kom med følgjande konklusjon:
– Stavanger vinn på stil, medan Sandnes vinn reint formmessig.
