– No er det seks personar som sitt i arresten for fyll, ein person er i tillegg sett i varetekt for trugslar mot politiet, seier operasjonsleiar ved Rogaland politidistrikt, Egil Karlsen.
Politiet fekk i løpet av natta fleire meldingar om rusa personar. I tillegg til dei som vart sette i arresten, har også 11 personar blitt viste vekk av politiet i Sør-Rogaland.
Fylleringde til 112
Politiet i Haugesund melder også om mykje fyll og tull.
Ein mann vart mellom anna henta inn av politiet to gonger, fordi han fylleringde til 112.
Truga med ein softgun
Klokka 04:15 vart ein mann i 20-åra arrestert av politiet i Haugesund sentrum. Årsaka var at han brakk nasen på ein jamaldring. Ein person vart køyrd til legevakta, den andre vart sett i varetekt.
Klokka 02:15 vart ein mann i 20-åra arrestert av væpna politiet på Karmøy, etter at han hadde kome med trugslar med våpen. Det viste seg at det var ein softgun som mannen truga med.
Klokka 02:15 vart ein mann meld til politiet for å gått med kniv i Haugesund. Kniven var beslaglagd av politiet.
I tillegg har politiet vist vekk fleire frå sentrum i Haugesund, grunna ordensforstyrring.