– Nå har eg fått gjennomslag i eige parti for å løyve 5.4 millionar kroner til utgraving på kongsgarden på Avaldsnes.
Det seier ein stolt Geir Toskedal frå KrF. Stortingsrepresentanten frå Karmøy har i tre år prøvd å skaffa pengar til utgravinga av kongshallen, men er ennå ikkje heilt i mål
- Les også:
– Eg skal kjempa for at pengane kjem velberga gjennom statsbudsjettsforhandlingane, men meir enn det kan eg mest ikkje lova, seier han.
Veit at kongshallen er der
Det var professor Dagfinn Skre ved Universitetet i Oslo og hans team, som under utgravingane i 2012 fann kongshallen på Avaldsnes. Men kongshallen blei funnen så seint under utgravingane på kongsgarden frå vikingetida, at den aldri blei undersøkt skikkeleg i 2012.
- Les også:
– Me fekk berre såvidt konstatert at den var der, før me måtte fylle på med masse igjen. seier Dagfinn Skre.
Nye planar
Seinare har Skre jobba saman med Karmøy kommune for å få til ei ny utgraving. Universitetet i Oslo har laga ein prosjektplan og søkt riksantikvaren om løyve til å grave. Alt dette er på plass, men gravinga må skje før det nåverande prosjektet går ut.
- Les også:
– Det betyr at me er nøydde til å gjera det før våren 2019, og i praksis betyr det at det må gjerast neste år, seier Skre.
– Kvifor er ei slik utgraving viktig?
– Det er den einaste ikkje undersøkte kongehallen frå norsk middelalder. Den er bygd rundt år 1300, då Noregsveldet sto på sitt høgaste. Dette er ein storhetsperiode i norsk historie og dette er eit monument som kan kaste lys over den perioden, seier Skre.
Lite hjelp å få frå Høgre
Partiet Høgre sette ikkje av pengar til utgravingar av kongshallen i regjeringa sitt statsbudsjett denne hausten. Derfor kan heller ikkje stortingsrepresentanten Sveinung Stensland lova at pengane blir løyvd i forhandlingane med KrF og Venstre.
– Me hadde ein veldig god dialog då Torhild Vidwey var statsråd i kulturdepartementet, og då var det like ved at me fann ei løysing. Dessverre så kom ikkje pengane inn i statsbudsjettet denne gongen, seier Stensland.