Tønes får Dialektprisen

Hopp til innhold

– Tønes har gjort suksess på landsplan dei siste par åra, etter mange år som lokal helt i Rogaland. Haua-dialekten er elles sjeldan å høyre i riksdekkjande samanhengar, men den har Tønes sett ettertrykkeleg på kartet, seier Vebjørn Sture, leiar i Norsk Målungdom i ei pressemelding.

Det er årsaka til at Norsk Målungdom har kåra Tønes til vinnar av Dialektprisen for 2013. Overrekkinga av prisen skjer på Det Norske Teatret i dag klokka 13.

Vann to spellemannsprisar

Tønes heiter heiter Frank Tønnesen, og kjem frå Sokndal kommune, heilt sør i Rogaland. Han debuterte allereie i 1996 med albumet «Rett te håves», og har lenge vore svært populær i heimfylket. Det nasjonale gjennombrotet kom først for alvor i fjor, med albumet «Sån av Salve», som hausta to spellemannsprisar.

– Visesong ikkje er nødvendigvis det folk flest tenkjer på som mest ungdomeleg, men Tønes verkar å vere heva over folks vanlege sjangerpreferansar. Tekstane og songane hans møter gjenklang og gjenkjenning på tvers av både alder og interesse. Tønes er såleis eit godt dialektføredøme for både store og små, seier Sture.

LES: Tønes hedres i Alf Prøysens navn
LES: Se Tønes gjøre seg klar for gjennombruddet

Delt ut i 12 år

Dialektprisen blei oppretta i 2001, og blir delt ut kvart år av landsstyret i Norsk Målungdom. Det er den einaste språkprisen som blir vedteken av språkengasjerte ungdomar, noko som også bidreg til at han er ein av dei mest prestisjetunge.

Dialektprisen 2013 blir overrekt klokka 13 i dag i kjellarfoajeen ved inngangen til scene 2 på Det Norske Teatret. Utdelinga er open for alle, og det blir høve til fotografering og spørsmål.

Norsk Målungdom deler ut Dialektprisen kvar haust. Prisen går til offentlege personar, som gjennom stødig og sjølvsikker dialektbruk framstår som gode språklege føredøme for ungdom. Dialektprisen har vorte delt ut sidan 2001, og har etter kvart etablert seg som ein av dei tyngste og mest prestisjefylte språkprisane i Noreg.