NRK Meny
Normal

Tomt for tomter i Eigersund

Det er snart bom stopp for byggebransjen i Eigersund.

Egersund

Det er vanskeleg å finna nye tomter i Eigersund om dagen.

Foto: Øystein Ellingsen

Byggefelta i Eigersund kommune er nå fullt utbygde. Det gjer det umuleg å få kjøpt nye tomter for folk som vil bygga hus i kommunen.

- Dette går også ut over byggebransjen. Frustrasjonen er stor blant byggmeistrane, seier Roy Hammer, leiar i byggleverandørfirmaet Byggvell i Egersund.

Les også: Økende fart i boligbyggingen

Byggefeltet det ikkje blei noko av

Politikarane i Eigersund håpa at eit nytt byggefelt på Hestneshalvøya skulle setja fart i utbygginga. Men kommunen makta aldri å koma i gong med feltet på litt over 300 tomter.

Roy Hammer

Roy Hammer, leiar i Byggvell i Egersund.

Foto: Øystein Ellingsen

- Når me ikkje klarer dette, må me kopla på andre gode krefter. Derfor vil me ha på plass eit utbyggingsselskap, seier varaordførar Solveig Ege Tengesdal.

Les også: Minoritetselever sliter med å få lærlingplass

Håpar på nabo-hjelp

Varaordføraren håpar hjelp frå nabokommunane kan setja fart i byggebransjen igjen.

- Me har kjent på presset. Me må kunna tilby noko når me inviterer folk til å busetja seg i kommunen. I løpet av eit år har eg tru på at feltet på Hestnes er på plass.

- Snart fullstendig stopp

Og dersom det ikkje snart blir fleire tomter å oppdriva i Eigersund, kan det bety bom stopp for byggebransjen.

- Allereie nå stoppar det opp både for entreprenørar og byggmeistarar. Mykje tyder på at det blir fullstendig stopp om kort tid, seier Hammer i Byggvell.