NRK Meny
Normal

To overlevde forlis

Ein båt med to mann ombord gjekk ned vest av Åkrehamn i Karmøy, laurdag ettermiddag. Dei to blei redda opp i ein annan båt, etter å ha vore i sjøen ei stund.

Ein mann tatt med til sjukehus

Den eine av dei to mennene frå forliset, blei tatt med til sjukehuset i Haugesund

Foto: Kristian Eidesvik / Studio Eidesvik

– Dei ropte så klart på hjelp over naudsambandet, at det var tydleg at båten tok inn vatn fort.

Det seier redningsleiar på Hovudredningssentralen i Sør-Norge, Ben Wikøren.

"Mayday"-ropet fekk andre båtar til å gå mot havaristen og det var ein av dei som plukka dei to opp av sjøen.

– Kor lenge dei hadde vore i bøljene før dei blei redda er me forelopig utsikre på, seier Wikøren.

Tatt med til lands

Folk frå naudetaten venta på dei to ved kaien i Åkrehamn, då bergingsbåten kom inn med dei to mennene. Ein av dei blei tatt med til sjukehuset i Haugesund. Det er ikkje kjent om situasjonen er alvorleg for mannen.

Heller ikkje årsaka til forliset er klar.