Natt til laurdag måtte sju personar i alderen 15-23 år, ha behandling etter å ha tatt overdosar av GHB.
Fleire av dei sju hadde vore innom utestaden Cats i Sandnes.
- Men det er ikkje noko som tyder på at dei tilhøyrer same miljø, seier politioverbetjent Finn Rødland.
GHB andre stader i landet
I helga er det tatt GHB-overdosar også på Sunnmøre og på Austlandet. Rødland ser ikkje vekk frå at det kan vera ein samanheng. Politiet vil i løpet av dagen ta kontakt med politiet dei andre stadene i landet der GHB har vore eit problem i det siste.
Kan vera tilfeldig
- Me har ikkje mottatt signal på at GHB i større grad enn før er på veg inn i miljøet i Sandnes, seier Rødland. Han trur derfor det kan vera tilfeldigheter, som gjer at sju personar blei behandla for overdose på ei natt. Men saka blir nå etterforska vidare for å finna ut kven som leverte stoffet.