Leif Kåre Kolnes (55) sykla frå Stavanger sentrum til Forus. I ein nedoverbakke på Ullandhaug skrådde ein annan syklist over vegen, rett framføre han.
Leif Kåre Kolnes har ennå merke i ansiktet etter at han fall av sykkelen.
Foto: Ingvald Nordmark / NRKDå han kasta seg på bremsene, låste hjula seg, og han fauk over rattet og landa i stien med nasen først.
– Eg var på sjukehuset ei veke og fekk operert inn fire plater i ansiktet. I tillegg fiksa dei eit brot i ryggen og opererte ein arm, fortel Kolnes.
Det har skjedd ei endring
Det er blant dei eldre, frå 55 år og oppover, at talet på sykkelulukker aukar mest her i landet. Det viser statistikken frå Statistisk sentralbyrå (SSB). Ennå er det fleire skader i aldersgruppa 35 til 54 år, men der er ulukkestala på veg ned.
For aldersgruppa 55 til 74 år, derimot, er tala på veg oppover.
Dei eldre er mest utsette
– Eg planla jobbsykkelruta mi då eg gjekk til jobben i dag, fortel regionleiar for Trygg Trafikk i Rogaland, Ingrid Lea Mæland.
Aldersgruppa 55 til 64 år, er mest utsett, seier regionsleiar for Trygg Trafikk i Rogaland, Ingrid Lea Mæland.
Foto: Ingvald Nordmark / NRKHo har blitt inspirert til å sykla til jobben, og er opptatt av korleis ho skal bli ein sikker syklist i 50-åra. Øving er viktig, for trafikkbildet er meir komplisert nå enn då ho sist sykla.
– Finn eit trygt område og øv deg før du set deg på sykkel eller elsykkel for første gong på lenge, er oppfordringa frå Lea Mæland.
Fleire eldre i trafikken
I Stavanger, som i resten av landet, har talet på syklistar auka kraftig dei seinare åra. Frå om lag 20.000 i mars 2017 til nærare 39.000 i mars i år.
– Det betyr fleire eldre syklistar på vegane, og me veit at både syn og reaksjonstid blir svekka med åra, seier Roar Børresen, leiar for sykkelsatsinga i Stavanger kommune.
Det er mange eldre syklistar som har fått seg elsykkel dei siste åra, seier leiar for sykkelsatsinga i Stavanger kommune, Roar Børresen.
Foto: Ingvald Nordmark / NRKHan opplyser at 11 prosent av innbyggjarane i Stavanger har kjøpt seg elsykkel, og han reknar med at mange av dei er over 50 år.
– Desto eldre du er, desto lengre er det kanskje sidan du sykla sist. Det betyr at eldre har litt meir å læra i trafikken enn dei yngre, seier Børresen.
Nokre kjem aldri over det
– Det var ikkje så mange elsyklar då eg krasja i 2014, minnest Leif Kåre Kolnes, og legg til:
– Det har sikkert kome mange fleire nå.
Men det veit han ikkje ved sjølvsyn. Kolnes har ikkje sykla etter ulukka.
– Eg blei klar over kor stor kostnaden med sykling kan vera, seier Kolnes, og legg til:
– Men det må du ikkje seia, for det er viktig at folk syklar.
