Tenåring døydde i trafikkulukke i Sandnes

– Det er ei svært alvorleg ulukke, seier operasjonsleiar Olaug Bjørnsen i Sør-Vest politidistrikt.

Ulukka vart meld like før klokka 19 onsdag kveld.

Førar av bilen ser ut til å vere uskadd. To andre personar, ein av dei passasjer på motorsykkelen, var involvert i ulukka.

Politiet i Sør-Vest stadfestar onsdag kveld på Twitter at ein gut i tenåra døydde i ulukka. Dei pårørande er varsla og tekne vare på.

Passasjeren fekk lettare skader.

Politiet gjer undersøkingar på staden for å finne ut kva som har skjedd.

– Krimteknisk og ulukkesgruppa er på veg, seier Bjørnsen onsdag kveld.

Det var 16 år gamle Erlend Ørland frå Hommersåk som omkom i ulukka. Namnet er frigitt i samråd med pårørande.