Av dei mange nordmennene som slit med å koma seg heim til jul er Lene Korneliussen, ho har måndags morgon vore stranda på flyplassen Gatwick i London i 24 timar.
– Me er omlag 400 her som ikkje kjem oss heim, det er folk som mellom anna skal til Stavanger, Ålborg og Bergen, seier Korneliussen som har bursdag i dag og heller ville vore i Stavanger å feira dagen enn i London.
I ettermiddag blei det klart at stavangerpassasjerane kjem seg heim med Norwegian klokka 14.40.
- Les òg:
- Les òg:
(Artikkelen held fram under bilete)
Slik såg det ut på Gatwick i London måndagsmorgon, fleire har vore der i over 24 timar.
Foto: Eva Lima Hetland– Ingen informasjon
Det er snøvêr i Europa som har skapt unntakstilstandar på flyplassane, og det er på avgangar til London, Paris, Frankfurt, og Berlin problema er størst.
Korneliussen slaktar måten Norwegian har handsama situasjonen på:
– Me får ikkje mat, overnatting eller informasjon verken på tavla, internett eller av personell. Dessutan tar dei ikkje telefonen når me ringer, seier ho.
Ho kan fortelja at flyet ho skulle følgja til Stavanger kom i går, men blei sendt tilbake tomt til Stavanger lufthamn Sola. Flyet til Ålborg og Bergen står på flyplassen seier ho.
Sjå bilete av snøfaste flypassasjerar her!
– Mange rare stillingar
Fem i dag tidleg blei Norwegian-passasjerane som skal til Stavanger frå Gatwick sendt tilbake til innsjekkinga.
– Her er det verken mat eller sitjeplassar. Alle sit på koffertane sine og det blir veldig mange rare liggjestillingar, seier den irriterte jubilanten.
I sin frustrasjon legg ho til at Gatwick er ein stygg flyplass å bli stranda på.
Overletne til seg sjølv
Ei anna som har vore stranda på Gatwick er Idunn Helle frå Stavanger som studerar ved Durham University ved Newcastle.
Ho seier også at informasjonen frå Norwegian har vore ikkje-eksisterande:
– Me er heilt overletne til oss sjølv, nå har flyplasspersonellet frå Gatwick sendt oss til ei ombookingsluke, så må me ordna heimreisa vores sjølv, sa ho måndag morgon.
Førebels har NRK.no ikkje klart å koma i kontakt med Norwegian for kommentar
Oppdatert informasjon om flytrafikken frå NRK.no finn du her.
