Vind og kraftig regn gjorde speleforholda vanskelege. Men Avaldsnes var sterke og laga målshow på Karmøy søndag kveld.
Islendingen Holmfridur Magnusdottir skåra ekte hat-trick i første omgang, og putta like godt eit fjerde mål 10 minutt ut i den andre omgangen.
Cecilie Pedersen fekk æra av å laga det femte og siste målet til Avaldsnes på Avaldsnes Idrettssenter i kveld.
– Me gjorde ein fantastisk kamp både defensivt og offensivt, sa Avaldsnes-trenar Roar Wold til NRK like etter kampslutt.
Han var imponert over det jentene presterte på den søkkvåte bana.
– Dei var sinnssjukt gode. Og så blei kampen vist på tv. Det blei ein fantastisk propaganda for damefotballen, seier ein svært fornøgd Avaldsnes-trenar.
