Storkontroll avslørte 196 ulovlege hummarteiner

Fiskeridirektoratet har saman med politiet, Kystvakta (KV) og Statens naturoppsyn (SNO) sjekka hummarfiske før det starta offisielt 1. oktober. Kysten frå Florø til Egersund, hummarfredingsområdet i Sognefjorden og Oslofjorden er undersøkt.

Det blei funne 196 reiskapar dagane aksjonen vart gjennomført. I Rogaland blei det beslaglagt 75 reiskapar, i all hovudsak teiner. Mellom fylkesgrensa sør i Vestland og Bergen blei det beslaglagt 121 reiskapar.

Resultata frå Oslofjorden er ennå ikkje klare.