Det er i ei ny utgreiing til Olje- og energidepartementet Statnett foreslår den nye linja.
Hydro planlegg ein ny aluminiumsfabrikk på Karmøy, og straumforbruket til den og andre industriplanar i området vil krevja meir enn dobbelt så mykje straum som i dag.
- LES OGSÅ:
– Me har i fleire månader vore i dialog med lokale styresmakter og interesserte partar for å kartlegga kva moglegheiter det er for å forsyna auken i forbruket, seier konserndirektør i Statnett, Håkon Borgen i ei pressemelding.
– Me meiner at ein ny leidning kan byggast utan å laga ein heilt ny trasé, og me trur dette er den beste løysinga, seier Borgen.
For å halda oppe forsyningstryggleiken, samstundes som det aukande kraftbehovet skal dekkast, meiner Statnett det er naudsynt å gjera omfattande tiltak for å få eit tilstrekkeleg løft i kapasiteten.
Dei alternativa som er beskrive i Statnett si konseptvalutgreiing er:
- Oppgradering av eksisterande leidning frå Blåfalli via Stord til Karmøy og dei to leidningane mellom Sauda og Karmøy
- Bygging av ny leidning frå aust (eksempelvis Blåfalli)
- Bygging av ny leidning frå Vestre korridor (eksempelvis Hylen)
- Bygging av ny leidning frå BKK-området (eksempelvis Samnanger)
