NRK1 med tv-sendinga til NRK Rogaland ligg nå på kanal 147 for Altibox-kundar.
Kanalen finn du lettast ved å bla deg bakover i kanalmenyen. Altibox har plassert alle lokale kanalar her.
Rogaland 24, der NRK Rogaland si lokalsending blir sendt både direkte og i reprise, er flytta til kanal 20.
Avdelingsleiar for TV i Altibox, Svein Aronsen, forklarer endringane slik:
– Me har oppgradert alle tv-kanalane me kan til høgast mogleg bilet- og lydkvalitet, til det me kallar HD. Når me gjer det må me skifta litt på rekkefølga på kanallista vår, seier han.
Ragnar Christensen, distriktsredaktør i NRK Rogaland.
Foto: NRKDistriktsredaktør i NRK Rogaland, Ragnar Christensen, seier folk må leita litt med det nye systemet, men tilrår alle tv-sjåarar å programmera NRK1 Rogaland og Rogaland 24 på dei kanalane som passar best.
– I tillegg vil eg oppfordra alle som slit med å finna fram om å ta kontakt med sin tv-tilbydar, anten det er Altibox eller andre. I tillegg kan folk finna vår tv-sending på internett.
På NRK nett tv kan du sjå vår tv-sending når det passar best (sendingane blir lagt ut etter vår direktesending klokka 18.45 og 20.55).
– På PC, mobil og nettbrett kan folk sjå vårt tv-tilbod når som helst, og den siste tida har NRK lansert fleire appar for Smart-TV, seier distriktsredaktør Christensen.
- Les meir om NRK TV på Smart-TV.
Kundar av Riks-TV, Canal Digital og Get finn NRK Rogaland sitt tilbod som før.
