Ein 22 år gammal mann frå Haugesund blei dømd til fem års fengsel for fire valdtekter. Det bestemte Høgsterett onsdag.
I tillegg må mannen betala 450 000 kroner i oppreising til kvinnene.
Men han slepp å bli dømd til forvaring, slik lagmannsretten gjekk inn for.
Låg alder og at han tidlegare har vore ustraffa, har tald til hans fordel.
22 åringen blei tatt av politiet i januar i år. Den siste valdtekta han er dømd for skjedde i desember 2005. Før det gjennomførte han også tre andre valdtekter og eitt tilfelle av beføling.
Letta og glad
- Nå kan han planlegga eit liv framover, seier forsvararen hans, Odd Rune Torstrup.
- Klienten min såg for seg at han kunne bli sitjande i forvaring resten av livet. Nå veit han at når dommen på fem år er ferdigsona, så kan han byrja på nytt.
- Han er veldig letta og veldig glad nå, seier Torstrup
