Draumen om eliteseriespel i Sandnes er berre fem dagar unna. Måndag blir den alle første toppdivisjonkampen spelt på Sandnes stadion når dei lyseblå tar imot storebror Viking.
Første lagbilde
I dag var det duka for lagbildefotografering og tid for å slå tilbake på dei som dømmer Sandnes Ulf nord og ned igjen i 1. divisjon.
– Eg har aldri vore så godt trent som under Asle Andersen (trenaren for Sandnes Ulf, jour. merk.). Det får me igjen for i kampane og er noko me kjem til å merka i år også, seier Sandnes Ulf-spelar Kamal Saaliti.
Han er ein av dei sentrale spelarane for eit lag som har imponert i sesongoppkøyringa. Dei lyseblå har skåra mange mål og overbevist med godt spel.
Tøff spelestil
Og oppskrifta for å slå lag som Viking, Rosenborg og Molde blir å springa og kjempa meir enn motstandaren.
– Me har ein veldig tøff og krevjande spelestil. Og trenaren blør for måten me spelar på, seier Saaliti.
– Kva seier du til ekspertane som tippar at Sandnes Ulf rykkjer rett ned igjen?
– Eg seier det så enkelt som dette: Dei har ikkje peiling.
Trur du Sandnes Ulf klarer å halda plassen i Eliteserien i år?