Med det skiftande vêret aukar sjansane for å oppleva fargerike naturfenomen på himmelen.
Denne regnbogen dukka opp over Stavanger sentrum måndag føremiddag.
Ifølgje Store norske leksikon er regnbogen synleg når ein med sola i ryggen ser mot ei lokal regnbye.
Ein komplett regnboge består av to system av farga sirkelbogar, ein indre hovudregnboge og ein ytre, meir lyssvak sekundær regnboge.
Den andre regnbogen er vanlegvis meir fragmentert og ikkje alltid like synleg.
Oppe til venstre i denne videoen skimtar du sekundærregnbogen.
Dagens regnboge i Stavanger må dermed kunne seiast å vera ganske så komplett.
