Mannen som er sikta etter slåstkampen med fatalt utfall i Egersund i helga, sit framleis i politiet sin arrest i Stavanger,
– I morgon blir han framstilt for varetektsfengsling i fire veker, opplyser politiadvokat Fredrik Martin Soma ved Sør-Vest politidistrikt.
Grov kroppsskade med døden til følge
Mannen i 40-åra frå Egersund er sikta for grov kroppsskade med døden til følge.
Det var i halv-femtida natt til nyttårsaftan han var involvert i ein slåstkamp i Egersund, som enda med at ein annan mann i 40-åra blei frakta til Stavanger universitetssjukehus med kritiske skadar.
Sundag klokka 16.15 melde sjukehuset at mannen var død, og at dei pårørande var varsla.
