– Nei, det vil me ikkje ha. Dei som absolutt vil, får heller springa bort på puben, seier styreleiar i eliteklubben Klepp, Ove Horpestad og ler.
- Les òg:
Blir meir alkoholservering på idrettsarrangement
Heller ikkje ei snau mil lenger sør, på Bryne, er det stor stemning for øl og vin, etter Stavanger bystyre i går sa ja til at Viking og Oilers skal få servera alkohol til alle vaksne tilskodarar, og ikkje berre VIP-en, under kampane sine.
Ei avgjersle som truleg skaper presedens, og opnar for meir alkoholservering under norske idrettsarrangement.
– VIP-en får servert alkohol under spesielle kampar, og meir enn dette har me ikkje vurdert, seier dagleg leiar i førstedivisjonsklubben Bryne FK, Kjell Olav Stangeland.
– På Sandnes serverer me alkohol i eigne VIP-lokale, men har ikkje planar om meir, fortel dagleg leiar Tom Rune Espedal.
– Lojale bak vedtaket
Den einaste rogalandsklubben NRK har vore i kontakt med som er positive til å søka om alkoholservering er FK Haugesund.
Trass dette er gleder det styremedlem i Norges Idrettsforbund, Tom Tvedt, at fleire lokale toppklubbar i Rogaland ikkje vil søka om alkoholservering.
– Det er gledeleg at dei stiller seg lojale bak idrettsforbundet sitt vedtak om å ikkje kopla idrett og alkohol, seier Tvedt.