– Det var ein båt som var i nærleiken som redda mannen opp av sjøen, seier operasjonsleiar i Sør-Vest politidistrikt, Toralv Skårland.
Den 61 år gamle mannen er sjekka av helsepersonell, og han er uskadd, men prega av hendinga.
Meldinga om at ein seglbåt hadde kantra mellom Skiftesvik båthamn i Randaberg og Bru i Stavanger, kom kl. 15.30. Naudetatane rykka ut til staden, og det var då uklart kor mange som hadde vore om bord i båten.
– Nå har me fått bekrefta at det berre var ein person om bord, og redningsaksjonen er avslutta, seier Skårland.
Dei jobbar nå med å prøva å sikra seglbåten, som ligg opp ned.
