NRK Meny
Normal

Sauda er nesten isolert

Berre naudetatar får køyra forbi Svandalsfossen på fylkesveg 520 i Sauda. Kommunen ventar endå meir vatn i løpet av dagen, og vegen kan bli heilt stengt på kort varsel. Då er båt einaste sikre måten å koma seg inn eller ut på.

Åse Karin Hansen, NRK, køyrer gjennom Svandalsfossen i Sauda.

SJÅ VIDEO: Slik såg det ut då vegen var open for kolonnekøyring. (Foto: Åse Karin Hansen/NRK)

  • OPPDATERT: Nå er det manuell dirigering gjennom Svandalsfossen.

Ekstremvêret «Synne» har ført til problem over store deler av Sør-Vestlandet i dag.

Fylkesvegen forbi Svandalsfossen var tidlegare i dag heilt stengd. Så opna dei opp for kolonnekøyring forbi fossen, men no er det berre passering for naudetatane. Kommunen forventar høgare vassføring utover dagen, som følgje av meir regn og snøsmelting, og då kan vegen fort bli heilt stengd att. Ved høg vassføring kjem det også meir enn vatn ned over vegen.

Meir regn i vente

– Me kunne høyra og sjå stein i vegbana, Vegvesenet, entreprenøren og politiet beslutta då å stengja vegen, seier beredskapsansvarleg i Sauda, Jostein Overskeid.

Det er meldt endå meir regn i løpet av ettermiddagen og natt til søndag. Dermed kan Sauda bli heilt isolerte, difor har kommunen tinga ein båt som skal fungera som ambulansebåt ved behov.

– Me har også snakka med AMK om ambulansehelikopter, men det er ikkje sikkert det er flyvêr til det, seier Overskeid.

– Hurtigbåten er heller ikkje påverka, så heilt isolerte blir me likevel ikkje, seier han.

Ekstremværet stenger veier i Rogaland.

Foto: Per Aksel Birkeland.