– Det høyrest ut som ei veldig kjekk oppleving. Å koma litt ut av komfortsona, og gjera noko litt utanom det vanlege, seier Sigrid Fagerlid.
Samen med stadig fleire kvinner ynskjer ho seg inn i Forsvaret etter vidaregåande skule.
– Eg høyrer at det er mange som gjer det, og at det er veldig kult. Det er kjekt å sjå at det er andre enn berre gutane som trivst der, seier Fagerlid.
- LES OGSÅ:
- LES OGSÅ:
Første kull med kjønnsnøytral verneplikt
97-kullet er det første med allmenn verneplikt for både menn og kvinner. Og denne sommaren blir det truleg rekordmange kvinner som møter til førstegongsteneste.
– Det kan me slå fast at det blir. Me kjem ikkje til å sjå ekstremt høge prosenttal, men me kjem til å sjå ei betydeleg auke frå 2015, seier prosjektleiar for verneplikt i Forsvarsstaben, Per Thomas Bø.
Ferske tal frå Forsvarets vernepliktsenter viser ein kvinnedel på 31 prosent blant dei nesten 7000 ungdomane som er kvalifisert for førstegongsteneste etter andre sesjon.
– Kunnskap skapar nysgjerrigheit
Dermed blir kvinnedelen truleg langt høgare enn dagens 16 prosent når ungdomane til sommaren møter til militærteneste.
– Eg trur det er summen av fleire ting, og at det viktigaste her er den kommunikasjonsjobben me har gjort mot 97- og 98-kulla. Me ser at kunnskap skapar nysgjerrigheit. Og så må dei jo reelt ta omsyn til Forsvaret på grunn av verneplikta, og berre det er med på å auke interessa, seier Bø.
– Kva betyr det for forsvaret at ein får ein større del kvinner?
– Det betyr ein del, og det viktigaste er at me får dei riktige soldatane. Dette er også auka tilgang til kompetanse, og veldig positivt med tanke på arbeidsmiljøet i Forsvaret, seier Bø.
- LES OGSÅ:
- LES OGSÅ:
– Kan ikkje vera redd for å bli skitten på hendene
Og blant dei mange kvinnene som er klare for å ta på seg kongens klede er Sigrid Fagerlid.
Når russetida og skulegongen er over ved St. Svithun vidaregåande skule i Stavanger, er Sigrid klar for tøffe tak i forsvaret.
– Eg trur ikkje du kan koma inn i Forsvaret viss du er redd for å bli skitten på hendene. Men eg trur jenter kan ha det like kjekt som gutar. Eg har tenkt å gå befalsskulen i forsvaret, og det har eg tenkt til å bruka vidare til politiskulen.
– Trur du det blir betre når det blir fleire jenter i forsvaret?
– Sjølvsagt, seier Fagerlid.
- LES OGSÅ:
(årstalet er året dei starta førstegongstenesta, som for dei fleste varer i 12 månader)