Tinghusdommar i Karmsund tingrett, Svein Åge Skålnes seier at dette får store konsekvensar for avgjerdene i dommane.
- Vitne har til dømes større problem med å hugsa kva som har skjedd, fortel dommaren.
Folk som skulle vore fengsla går fri
Skålnes seier at straffbare forhold som i utgangspunktet skulle hatt ein ubetinga reaksjon, kan få ein betinga reaksjon dersom det går for lang tid.
- Det vil sei at folk som skulle ha vore i fengsel går fri. Det er eit stort problem, legg Skålnes til.
Påtaleleiar Gro Rossehaug stadfestar at talet på straffesaker har gått opp dei siste månadane. I tillegg har fleire juristar vore i permisjon utan å bli erstatt. Ho vil likevel ikkje seie at politidistriktet prioriterer feil.
- Ein kan ha jobba noko annleis den siste tida, og diverre må me jobba hardare framover nå.
Lovar å rydde opp
Rossehaug lovar auka fokus på å få ned talet på gamle saker, og innrømmer at politidistriktet står framføre store utfordringar.
- Det er ingen som er tent på å ha ei straffesak hengande over seg over lang tid.
Rossehaug seier at det heller ikkje har den effekten som politiet ynskjer i straffesakene når enkeltpersonar blir belasta ved å måtte vente.
- Derfor er hovudfokuset nå å få rydda opp, seier ho.
