Klokka halv ni torsdag kveld meldte politiet om at det brann i Bekketunet barnehage i Stavanger.
Brannen vart fort sløkt, men no leitar politiet etter ein mogleg gjerningsperson.
Personen skal vere ung, ifølgje vitne.
– Politiet har fått melding om at brannen var påsett, seier fungerande innsatsleiar Andreas Nice.
– Brannvesenet fekk fort kontroll på brannen. Der er skadar på det som ser ut til å vere eit skur ved sidan av.
Politiet etterforskar no brannen.
– Hadde det utvikla seg kunne fort heile barnehagen gått med, seier Nice.
Politiet veit ikkje om der var personar inne i barnehagen, men ingen personar er skadd.
Bekketunet har to andre barnehagar, Maurtua og Barnas hus, som næraste nabo.
