Klokka 23.15 laurdag kveld kontaktar ei kvinne i slutten av 30-åra politiet der ho forklarer at ho og hennar to barn i slutten av tenåra var utsette for vald.
Dette skjedde ifølge kvinna i huset til familien på Karmøy.
– Innleiande forklaringar frå partane tyder på at tenåringane var ueinige med far sin i om dei kunne gå ut for å fange Pokémon i spelet Pokémon Go, eller om det var for seint for slik aktivitet, opplyser operasjonsleiar i Sør-Vest politidistrikt avdeling Haugesund, Jarle Utne-Reitan.
Dette skal ha ført til at familiefaren gjekk til valdeleg angrep mot sine tenåringsbarn. Ektefellen gjekk mellom, men då blei det også utøvd vald mot henne, ifølge politiet.
Ingen fekk skader som måtte behandlast av lege, ifølge politiet.
– Mannen har også tidlegare vore i politiet sitt søkelys for lekamskrenking mot sin ektefelle. Han er nå arrestert og sett inn i politiet sin varetektsarrest, opplyser Utne-Reitan.
Saka blir vidare etterforska søndag.
