Denne plattforma kan bli oppdrettsanlegg

– Havbruk til havs utgjer eit nytt og spanande kapittel i norsk havbruksnæring, seier Jon Arne Grøttum, direktør for havbruk i bransjeorganisasjonen Sjømat Norge.

For når norske oppdrettarar skal etablera nye anlegg ser dei nå langt ut til havs, der vêrforholda er røffare enn inne i fjordane, der ein finn dagens oppdrettsanlegg.

Då må det må tenkast nytt om korleis anlegga skal byggast. Og derfor meiner Kåre Olav Krogenes i bedrifta Viewpoint at vil vera fornuftig å ta i bruk konstruksjonar frå offshorenæringa.

• Les òg: – Ny epoke for norsk oppdrett

Kan gi 650 årsverk

Han ønsker å kjøpa plattforma Polar Pioneer som nå ligg hos Westcon i Ølen i Vindafjord. Etter planen skal plattforma skrotast i august, men Krogenes meiner han at han kan bruka 60 prosent av plattforma slik ho er, til det nye formålet.

– Helikopterdekk, livbåtstasjon, bustadkvarteret, forankringssystemet og sjølvsagt skroget kan brukast om att, seier han til NRK.

Om plattforma skal brukast til offshore-oppdrett kjem an på om Fiskeridirektoratet godkjenner søknaden om utviklingskonsesjon.

Dersom det skjer meiner firmaet at prosjekt kan gi over 650 årsverk i byggeperioden, og 175 årsverk når produksjonen igangsettinga.

– Det er enkelt å greitt eit prosjekt som kan gi rask effekt i koronakrisa som har slått innover maritim næring, seier dagleg leiar for Maritimt Forum Haugalandet og Sunnhordland, Sverre Meling.

Nybrottsarbeid

Offshore-oppdrett, eller havbruk til havs, blir definert som område som ligg mellom ei nautisk mil frå grunnlinja og 200 nautiske mil frå Fastlands-Noreg.

Både styresmaktene og næringa sjølv jobbar med å kartlegge moglegheiter og utfordringar knytt til denne måten å driva fiskeoppdrett på.

– Dette er nybrottsarbeid og ikkje vanleg i dag, men både me og styresmaktene ser at det ligg eit stort potensial i å driva havbruk til havs og meir eksponert, seier Arne Grøttum i Sjømat Norge.

Fiskeridirektoratet har tidlegare kartlagt område i Noreg, som egnar seg for dette, og som derfor bør få ei konsekvensutgreiing.

Desse områda er: Vardø, Tromsøyflaket, Lopphavet, Fugløybanken, Trænabanken, Sklinnabanken, Haltenbanken sør, Frøyabanken nord, Frøyabanken sør, Indrebakken og Norskerenna sør.

– Same moglegheiter som i olje- og gassnæringa

Frp politikar Terje Halleland er med i Energi- og miljøkomiteen på Stortinget. Han kan sjå den gule plattforma frå heimen sin i Ølen.

Han meiner det vil vera viktig å få gjennomføra eit slikt prosjekt som ombygginga vil innebera.

– Mitt inntrykk er at me har ei politisk leiing i departementet som verkeleg jobbar for å realisera dette prosjektet, seier Halleland.

Å utvikla denne type oppdrettsanlegg vil gi Noreg moglegheit til å bli verdsleiande i eit nytt segment, meiner Kåre Olav Krogenes i Viewpoint.

– Me har nå same moglegheit som me har hatt i olje- og gassnæringa. At me skaper ny teknologi i Noreg, som me tar ut på det globale marknaden, seier Krogenes.