Sjølv om Pedersen har eitt år att av kontrakten si med Avaldsnes, har ho ikkje møtt opp på treningar med klubben på to månader, skriv Haugesunds Avis.
Konflikt med Avaldsnes
Dette skal skuldas ei konflikt ho er i med klubben, som ho ikkje vil utdjupa noko særleg:
– Det har vore episodar som ikkje har vore særleg bra, seier ho til avisa.
Ho skal mellom anna ha blitt nekta å trena med G19 laget til Skjold på grunn av at den tidlegare Avaldsnestrenaren Lotfi Lazaare er trenar i denne klubben.
– Klarar meg fint utan fotball
I desember takka Cecilie Pedersen munnleg ja til klubben Arna-Bjørnar, men Avaldsnes har tvihaldt på landslagspelaren frå Førde i Sveio.
- Les òg:
Pedersen er frustrert over tida dette har teke, og seier at dei to månadane ho nå har vore vekke frå fotballen har gitt meirsmak:
– Eg har vore vekke i to månader nå, og det freistar ikkje å koma tilbake. Eg klarar meg fint utan fotball, seier ho.
Eitt år sidan Gullballen
Dette kjem omlag eitt år etter ho som 19-åring mottok Norsk fotballs grommaste pris: Gullballen.
- Les òg:
Den daglege leiaren i Avaldsnes IL, Nordvald Kaldheim, ser på det heile som ei personalsak han ikkje vil kommentera saka.