Tirsdag var oljeprisen under 46 dollar fatet. Det er den lågaste prisen på nesten fire år, og over hundre dollar mindre enn da oljeprisen var på sitt høgaste i juli i år.
Neste år skal gå bra, så blir det mer usikkert var konklusjonen da toppleiarana i oljebransjen var samla tirsdag ettermiddag
- Eg trur at for resten av 2008 og 2009 er det relativt sikkert, men så begynner usikkerheten, seier Rolf Leknes, sjef i oljeserviceselskapet Weatherford
136 milliarder kroner
Neste år kjem olja til å investera 136 milliardar kroner på norsk sokkel. Hovudsakleg prosjekt som alt er i gang og der kontraktar alt er inngått. Men framtida er meir usikker. Leknes fryktar at utbyggingsplanar skal havna i skuffa - eller - i boskorga.
- Det er dei signala vi høyrer. Oljeprisen på veg nedover, og kostnadane kjem til å halde seg på det nivå dei er i dag. Det speler inn på dei vurderingane som blir gjort for framtidige prosjekt.
BP er eit av selskapa som bidreg at det vert ny investeringsrekord på norsk sokkel neste år. Dei skal både bygga ny plattform på Valhall og produksjonsskip på Skarv. Men hadde desse avgjerdene blitt tatt med dagens oljeprisar?
- Det er heilt umogleg å svara på. Det er en totalvurdering av den porteføljen du har globalt til ein kvar tid, seier BP-sjef, Gro Kielland.
- Følger med
Også ConocoPhillips har planar. Dei skal ha nytt hotell, ein plattform og ein havbotn-installasjon på Ekofisk, men har ikkje inngått kontraktar. No føl sjefen Steinar Våge nøye med.
- Investeringene ligg fram i tid. Vi har ulike ingeniørstudier for å modne dei moglegheitsstudiane vi har. Vi følger nøye med.
Oljeselskapet Marathon har gjort store investeringar i år. Produksjonsskipet Alvheim starta produksjonen i sommar. Men dei kjenner finanskrisa, seier Marathon-sjef Kristin Færøvik.
- På kort sikt må vi gjennomgå planar og budsjetter nøye. Nokon kutt i budsjettene ser vi allereie, men på norsk har det ingen eller liten virkning. På lengre sikt er det mykje vanskelegare å spå kva som vil skje.
Opptatt av arbeidsplassane
- Eg merker meg at det er generell uro for framtida, seier statssekretær i Olje- og energidepartementet, Liv Monica Stubholt.
Ho føl nøye med på signala frå næringa. For når oljeselskapa tener pengar - tener staten mykje pengar. Over ein tredel av staten sine venta inntekter neste år kjem frå olje og gass. Ho kallar oljenæringa motoren i norsk økonomi .
- Eg legg stor vekt på arbeidsplassar og sysselsettinga. Ikkje berre i petroleumsnæringa, men i alle de bedrifter som leverer til eller er avhengig av olje og gassindustrien.
Foreløpig er det veldig stor aktivitet på norsk sokkel. Aldri før er det bora så mange leitebrønnar som i år - og programmet blir nok tett neste år også, trur Oljedirektør Bente Nyland.
- Kontraktene og planene er allerede lagt for dei fleste selskapa. Utover 2009 er det vanskeleg å sei kva som vil skje. Det som er viktig er at ein ikkje sluttar å bore produksjonsbrønnar, men held trykket oppe.
Meir leiteareal
No vil oljeselskapa ha løfter om meir leiteareal frå styresmaktene. Men finanskrisa kjem neppe til å skynda fram ei avgjerd for dei omstridde områda, seier Stubholt:.
- Eg trur det er all grunn til å trekke pusten riktig djupt. Vi er samde innan regjeringspartia om å rulera forvaltningsplanen for Barentshavet og Lofoten/Vesterålen i 2010. Det er ikkje næringa begeistra for, men dei er klar over det.
