– Det er alltid ein risiko for at områder med fjell og skrantar kan vera farlege, dessutan er det ei stor elv i nærleiken som ein ikkje kan kryssa på grunn av straumen, seier Rasmussen til NRK.no.
Klokka 05:40 måndag morgon, eller klokka 01:40 lokal tid på Grønland, opplyste politiet at dei vil gjera eit nytt søk med helikopter på måndag.
– Me håper at me vil finna dei i god behald, seier politiassistenten.
Ifølgje skal alle tre koma frå Hå kommune.
– På dette tidspunktet kan me berre håpa av heile våre hjarter at dei vil koma til rette igjen, seier rådmann i Hå kommune, Lars Kolnes, til avisa.
Sakna sidan søndag
Det var søndag kveld dei tre mennene vart meldt sakna i området rundt Søndre Strømfjord på Grønland.
Dei tre jærbuane skulle bli henta på Stavanger lufthamn, men dukka ikkje opp.
Ifølgje skal dei tre mennene ha vore ute på fisketur.
Nytt søk
Området det lokale politiet leiter i er stort. Derfor bruker dei helikopter for å lokalisera jærbuane.
– Me reknar me at me reiser ut med helikopteret igjen på måndag for å halda fram med søket, seier Rasmussen.
Han legg til at han antar at nordmennene har det godt, og at det berre er eit spørsmål om tid før dei blir funne i god behald.
