– Mange bestiller nye typar syntetisk narkotika lovleg frå internett, seier avdelingssjef for grensekontrollen i tollregionen Vest-Norge, Øyvind Hafsøe.
Eit av desse har fram til nyleg vore syntetisk hasj.
– Fram til desember i år var denne såkalla «designernarkotikaen» ikkje på narkolista. Men nå er den det, og me har allereie tatt eit brev som kom til eit postkontor i Stavanger, seier Hafsøe.
Han registrerer den same trenden som elles i landet. Det blir tatt mindre harde narkotikum som heroin og amfetamin.
Det er likevel for tidleg å seia om det er syntetisk narkotika bestilt frå internett som er årsaka til nedgangen for andre stoff.
- Les òg:
- Les òg:
I fjor blei det gjort over 100 beslag i landet av denne type narkotika bestilt frå internett.
– Før desember blei syntetisk hasj beslaglagt med grunnlag i legemiddelforskriftene, men nå som stoffa er på narkolista kan smuglarane forventa seg sterkare reaksjonar, seier Hafsøe.
Mange av dei syntetiske stoffa som kan kjøpast på nettet er likevel ikkje på narkotikalista. Noko toll- og avgiftsdirektør Bjørn Røse reagerer på.
– Det er viktig å få dei nye syntetiske stoffa raskt på narkotikalista. For tollvesenet og politiet er det avgjerande å ha eit regelverk som mogleggjer meir effektiv kontroll med desse narkotikatypane, seier Røse.
