«Kolskofferten» er ein brukarvenleg datamaskin med kamera, ei fingerklemme som måler oksygeninnhald i blodet og eit pusteapparat som måler lungekapasiteten.
Med dette utstyret kan legar overvaka kolspasientane mens dei er heime. Dei kan også ha videosamtalar med pasientane.
– Det er tryggjande å ha denne maskinen, seier Kåre Aleksandersen på 65 år. Han har kols, og er ein av dei første i landet som har prøvd ut ordninga sidan i vår.
Han seier at han kvar dag blir oppringt frå sjukehuspersonale som lurer på korleis det går med han.
Teknologi for framtida
Etter å ha vore på vitjing på Dalane distriktsmedisinske senter i Egersund, kor dei har testa ut ordninga, er helse- og omsorgsministeren svært positiv.
Særleg viktig meiner Støm-Erichsen at teknologien blir når det er færre sjukepleiarar til å passa på dei sjuke.
- Les òg:
Eit av måla med «kolskofferten» er at kolspasientar skal sleppa å bli lagde inn på sjukehus fire gonger i året, og at det skal bli færre akuttinnleggingar.
Helse- og omsorgsminister Anne-Grete Strøm-Erichsen var på vitjing i Egersund for å læra om «kolskofferten» .
Foto: Øystein Ellingsen / NRKTil heile landet
Helse- og omsorgsministeren kan fortelja at målet er å få «kolskofferten» ut til alle sjukehus i landet.
– Ny teknologi er alltid viktig for at me skal lukkas framover, seier Strøm-Erichsen.
Varme hender?
Mariann Svanes seier at pasientane er svært nøgde med kofferten.
Foto: Øystein Ellingsen / NRKMariann Svanes er leiar på avdeling 2 øst ved Stavanger Universitetssjukehus si avdeling i Egersund, og er ansvarleg for kontakten mellom kolspasientane og senteret.
– Skal dei varme hendene nå bli bytta ut med ein kald datamaskin?
– Absolutt ikkje, dette er eit tilbod i tillegg til dei varme hendene som pasientar får når dei er på sjukehus, eller som dei får av heimesjukepleie og fastlege. Pasientane opplever dette som minst like bra som varme hender, seier Svanes.
