Norge kan få flåttvarsel

Det var på eit internasjonalt flåttmøte på Sola Strand hotell onsdag moglegheitene for eit flåttvarsel var eitt av mange tema.

70 internasjonale ekspertar var samla for å bli litt klokare på flåtten. Tyskland har alt i dag eit flåttkart som viser kor det er høg risiko for flåttbit.

– Dei har sett ut flått i terrenget som dei sjekkar, for så å kunne seia om flåtten er aktiv eller ikkje. Så går dei ut med varsel i media, slik at folk kan ta førehandsreglar, seier flåttforskar Snorre Stuen.

LES OGSÅ: Slik kan flåtten utryddes i Norge

LES OGSÅ:

I gang på Sørlandet

Eit slikt varsel, eit slags yr.no for flått, kan ein også få her til lands. I Kristiansand har dei nemleg fått eit nytt kompetansesenter for flått og borrelia.

På Sørlandet skal dei i gang med eit prosjekt for å kartlegga flåtten. Liknande opplegg kan komma til Rogaland, ifølge Stuen.

– Me håper på sikt å få dette til Rogaland også, seier han.

LES OGSÅ: Denne roboten er en flått-dreper

Flottvarsel for 14 dagar

Dag Tveitnes er barnelege ved Stavanger universitetssjukehus. Han har eit meir humørfylt syn på flåttvarselet.

– Alternativet er å laga ein del stasjonar rundt om, og så senda ut katten. Så tel du over katten når den kjem tilbake, og formidlar det vidare, humrar han.

– Kan ein for eksempel varsla om flått dei neste 14 dagane med eit varsel?

– Ja, i enkelte område kor ein har sett ut flått og undersøker den, kan det vera mogleg, fortel flåttforskar Snuen.