NRK Meny
Normal

NAV-sjef på friarferd

NAV-sjef i Rogaland, Truls Nordahl, skal denne veka møte arbeidsgjevarar i andre delar av landet, der næringslivet går betre enn i oljefylket. Med seg har han ei lang liste over kompetente folk som er utan arbeid.

Leter etter lærlingplasser

NAV-direktør i Rogaland, Truls Nordahl, skal reise ut av fylket for å finne ledige jobbar til dei arbeidslause i Rogaland. Her er han saman med ordførar i Stavanger og fylkesordførar i Rogaland då han var på jakt etter lærlingeplassar tidlegare i haust.

Foto: Helge Hundeide / NRK

– Me tenkjer oss ein rundtur til dei fem fylka i landet der arbeidsmarknaden er best for tida og der dei har nedgang i arbeidsløysa.

Dette seier NAV-direktør i Rogaland, Truls Nordahl. Han skal møte mange arbeidsgjevarar rundt om i landet og presentere dei for ei liste over godt kvalifiserte personar, som for tida står utan arbeid i oljefylket.

Les også: Regjeringa meiner budsjettet vil bety fleire tusen nye arbeidsplassar

Vil ha dei med tilbake

Den komande veka byrjar NAV-direktøren på ein slags turné til Akershus, Oppland og deretter til dei tre nordlegaste fylka, Finnmark, Troms og Nordland.

– Målet det å få med nokre arbeidsgjevarar derfrå tilbake til Rogaland, for å kunne snakka ansikt til ansikt med nokre av dei som er ledige hos oss nå, seier Nordahl.

Tøffe tider i olja

Oljeindustri

Oljeindustrien har ikkje lengre plass til så mange som før.

Foto: NRK

Sjølv om NAV ser eit mogleg oppsving i talet på tilsette om eit års tid i oljenæringa, så kjem det truleg til å bli verre i løpet av vinteren 2015/2016. Derfor er det fleire ingeniørar og andre teknisk godt skulerte personar, som nå må sjå seg om etter nytt arbeid.

Les også: Forventar tiltak mot arbeidsløysa på statsbudsjettet

– Det er viktig å seie at 55 % av denne gruppa har fått ny jobb innan tre månader, seier Nordahl.

– Men det er ennå ein del igjen, som ikkje finn noko nytt så raskt. Og då trur me at me kan hjelpa litt på situasjonen ved å få arbeidsgjevarar andre stader i landet til å koma hit, hevdar NAV-direktør, Truls Nordahl.