– Folk har dessverre ei haldning om at på hytta er det ikkje så farleg, seier feiar Tore Hommeland.
Han er å veg opp på nok eit hyttetak i Forsand i Ryfylke – for å sjekka at branntryggleiken er på stell.
I fjor blei kommunane pålagt med tilsyn og feiing i fritidsbustadar på lik linje med bustadhus.
– Vi ser at behovet for tilsyn er verkeleg til stades. Vi ser feil og manglar som kan vere veldig brannfarlege, og i mange tilfelle er det nesten eit under at det ikkje har brent.
– Og når det gjelder eldstad og skorstein så gjør gjerne folk arbeidet sjølv, seier Hommeland.
Større risiko for brann
Statistikk frå Feiermesternes landsforening viser at det er tre gonger større risiko for brann i hytte enn i hus når årsaka er eldstad eller skorstein.
– Eksempel er eldstad som ikkje er montert riktig, skorsteinar som er gamle, og kan vere farlege å bruka. Ein annan ting som eigaren enkelt sjølv kan gjera noko med, er sløkkeapparat – og sjølvsagt røykvarslar, som kanskje er det viktigaste av alt, seier feiaren.
Men dei fleste kommunar er ikkje i gang med tilsyna før neste år, ifølge Norsk brannvernforening.
LES OGSÅ: Geologer skal kartlegge sprekken i Preikestolen
– Fantastisk tiltak
– Det er nok ei generelt mindre medvit rundt brannfaren på hytta. Folk har fri og ferie når man er på hytta og da blir andre ting i fokus og ikkje så mykje brannvern. Derfor håper vi at tiltaket med feiing og tilsyn i fritidsbustader skal bidra til å auke bevisstheita om brannvern også på hytta, seier fungerande avdelingsleiar Tom Erik Galambos i Norsk brannvernforening.
Hytteeigar Halvor Kleven er glad for at han har hytte i ein kommune som har kommen i gong med feiinga.
– Det har vore eit helt fantastisk tiltak som kommunen har sette i gang. Det er ikkje tvil om at vi har ein tendens til å gløyme ting som tilsynet peiker på, seier han.
LES OGSÅ: Brannsjefen fryktar at ulik straumpris kan føre til fleire brannar