– Eg er glad at eg kom først på jobb i dag, seier Helge Andersen, som er dagleg leiar på Gjestalveien Conditori.
Han blei møtt av eit knust inngangsparti, og tydelege spor etter folk som hadde oppheldt seg i bakgarden.
– Det er ikkje eit kjekt syn, men heldigvis viste det seg at ingen har vore inne i butikken, og det ser ikkje ut som om noko er vekke, seier Andersen.
Mistenker to menn
Han er ikkje den einaste som har opplevd hærverk i natt.
– Me har fått inn melding om fleire knuste ruter i Vågsgata 9, sa operasjonsleiar i Rogaland politidistrikt, Henning Andersen i dag tidleg.
Det skal vera snakk om fire firma, som er råka. Politiet trur dei har gjerningsmennene.
– Det er to menn på 18 og 20 år, dei blei tekne i dag tidleg etter dei stal mobiltelefonar frå bilen til eit avisbod i Sandnes, seier Andersen.
