– Gå og gøym dykk bak det buss-skuret!
Dette var beskjeden Siren Meling og dottera Ingrid (9) fekk av brannfolka i nærleiken av trehusbrannen i Kristiansand i natt.
- Les også:
Då hadde dei følgd nødutgang-skilta frå hotellrommet sitt på Comfort hotel, og oppdaga at den ruta førte dei rett ut i gata der brannen utvikla seg i raskt tempo.
Denne videoen filma Siren Meling ut gjennom vinduet på Comfort hotel, før ho og dottera følgde skilta til nødutgangen i hotellet.
I siste liten
– Kort tid etterpå eksploderte det. Det kom eit veldig smell frå bygget som sto i brann, fortel Siren Meling, som er frå Klepp på Jæren.
Brann, politi-og ambulansefolka trekte seg tilbake etter at dette skjedde. Truleg fordi dei frykta nye eksplosjonar, fortel Meling.
- Les også:
– Og kort tid etterpå kom ein politimann med blod i ansiktet og sette seg ned like ved oss. Han hadde truleg blitt truffen i hovudet av ein gjenstand frå eksplosjonen, seier mora.
Tøft for ni-åringen
Dottera på ni år opplevde dette så skremande at ho tok til tårene og dei to følgde deretter oppfordringane om å trekkja seg lengre vekk.
Dei kom etter kvart til Ernst hotel, der dei blei tatt imot av helse og politipersonell.
– Dei var veldig hyggelege. Dei sette seg spesielt ned med ungane og snakka med dei. Dotter mi tykte det var god hjelp i bli tatt godt imot då me kom til hotellet, fortel Siren Meling.
