NRK Meny
Normal

Militærdykkarar søkjer etter Tore Grødem i kanal

AMSTERDAM (NRK): Militærdykkarar bidreg i søket etter den sakna Tore Grødem i Amsterdam tysdag kveld.

Politi og militæret søkjer etter Tore Grødem i Amsterdam.

SJÅ VIDEO: Militæret bidreg i søket etter Tore Grødem tysdag kveld, seier Eddy Jolink, offiser i forsvaret si dykkargruppe.

Denne veka skal politiet i Amsterdam gjera nye søk i fleire område i Amsterdam i håp om å finna den sakna Tore Grødem.

Det er i kanalen Singelgracht søket går føre seg. Kanalen er like ved Amsterdam Marriott Hotel, der Grødem budde.

– Denne gongen får me hjelp av militæret, som har ein betre sonar enn oss. Deira sonar kan ikkje berre kan søka rett ned, men også horisontalt i vatnet. Det gjer at me også kan søka under båtane som ligg i kanalen, seier Lemeer.

Ingrid Lemeer, talsperson for politiet i Amsterdam

ER UROA: Ingrid Lemeer, talsperson for politiet i Amsterdam, fortel at dei skal gjera nye søk tysdag kveld.

Foto: Mathias Oppedal / NRK

Dei har søkt i den same kanalen tidlegare med hundar og sonar, men då utan resultat.

– Marinedykkarar bidreg i søket etter den sakna, norske turisten. Politiet har allereie søkt på botnen med sonar, men politihundane har markert i området, så no skal mine dykkarar bruka ein annan type sonar for å leita under båtane som ligg i kanalen, seier Eddy Jolink, offiser i forsvaret si dykkargruppe.

Privatetterforskarar kan ha funne nye spor etter den sakna Tore Grødem i Amsterdam.

SJÅ VIDEO: Privatetterforskarar kan ha gjort funn i leitearbeidet etter Tore Grødem.

Dei skal også søka i parken Vondelpark, der Simpar (gruppe med privatetterforskarar, i hovudsak pensjonerte politifolk, red.amn.).

– No skal me søkja der med politihundar, seier Lemeer.

Tore Grødem frå Bryne har vore sakna sidan natt til 19. desember, då han forsvann etter å ha vore ute på byen. Den siste sikre observasjonen av mannen var på eit overvakingskamera på hotellet han budde klokka 5 om morgonen.

– Det er meir enn 15 dagar sidan han vart meldt sakna, så me er uroa for han, men me gjer alt me kan for å finna han.

Laster kart, vennligst vent...